Día d’esquí en fuentes d’inviernu…

mapa de la estación

Fecha: 18/02/2012

Collacios: Helios, Aroa, Fernando, Silvia, Ovidio, Carmen, y Frén.

Cuadernu de bitácora: 

Nesta ocasión xuntémonos un grupín bastante afayaizu con ganes de pasar un buen día d’esquí. A eso de les 8 la mañana arrancamos con destín a fuentes d’inviernu repartios n'un par de coches y con muy buenes sensaciones ya que amaneció un día bastante guapu.

Al llegar arriba el presaxu de que les condiciones diben a ser les óptimes confirmarose, pero casi sin habenos posao tuvimos una baxa inesperá nel equipu, Ovidio que sintiéndose bastante mal, quedo con la miel nos llabios ya que tuvo qu’abandonar enantes de poder siquiera entamar.

Vista del Picu Torres, ¡Vaya día!

El restu de nosotros ya marutaos col equipu arrancamos dirección a les taquilles pa sacar el forfait y vemos que güei nun diba a ser un día d’esos nos que tas solu nes pistes, una cola de xente muy llarga que llueu iba a camudar nes coles pa garrar los remontes. 

El restu’l día transcurrió sin muncha novedá. A les primeres baxaes tos xuntos tranquilamente pa dir calentando pocu a pocu. Los que sabemos un pocu más intentando na media de les nueses posibilidaes ayudar a los que saben menos y así diba pasando’l día. A media mañana dividimonos en dos grupos y nel miu fuimos explorando les pistes un poco más complicaes viendo que la ñeve taba perfecta pa prauticar fuera pista polo que durante un buen cachu tuvimos dando-y a esti tipu d’esquí.  

Antes de xintar volvimos a agrupanos y baxamos toos xuntos a la zona baxa de l’estación pa reponer fuerces y acompañaos de la musica d’un coche de una conocía marca de bebida enerxética dimos buena cuenta de bocadillos y bebides. 

Pal tramu final del día ya solo quedamos 4 ya que Aroa y Silvia taben cansaes y decidieron quedase asoleyándose un poco. El restu tuvimos dando-y fuertemente sin parar hasta ya casi el final del día cuando se axuntó Samu, que taba trabayando, con nosotros. Pocu más dío de sí el dia. La verdá ye que fue una xornada bastante prestosa na que disfrutemos d’esta afición que compartimos unos cuantos miembros del chalanín. Conclusión: hai que repetir.