I Carrera de Montaña Coto Bello

Ficha Técnica:

Organiza: Hermandad de Santa Bárbara de Bello. Con la colaboración de Club Atletismo Collanzo.

Distancia: 10000 m

Fecha: 18 de junio de 2011

Collacios:

-Xuacu:     51'36"

-Frén:       54'43"

-Helios:     56'45"

Dificultad: Media-Alta

Recorrido:

Cuadernu de Bitácora:

Nésta ocasión la división atlética del Chalanín fizo-y frente a un nuevu retu. Diba a tratase d’una carrera de montaña, la primera que diben a correr. L’eventu cellebrose en Cotu Bello, una antigua mina a cielu abiertu propiedad de Hunosa nel conceyu de Aller y que ta reconvirtía en monte común n’actualidad.

A eso de les 9 la mañana, y col Sol brillando fuertemente ya, la expedición salío dirección a Corigos, con Xuacu al volante, y Helios y Frén tratando de quitase les llagañes del focicu. En Corigos, onde la glorieta pa garrar la carretera nueva, ta’l desviu a Cotu Bello. Son 10 km de subida continua, perfectamente asfaltaos, con pendientes durante toa l’ascensión en tornu al 10%, que faen les delicies de los amantes del ciclismu, siendo incluso final d’etapa de la Vuelta Ciclista a España en 2010, y cellebrandose una cronoescalada anualmente col nomatu de cima Chechu Rubiera.

Una vez na cima, a unos 1200 metros sobre’l nivel del mar, lo primero que nos llamó la atención, aparte de lo frío que taba, fue’l paisaje. Dende’l mirador puen contemplase varios de los picos emblemáticos de la zona, como pue ser el Retriñon, la Texera, Peña Mea o incluso Toneo. En la cima, hai una explaná grande, con un bar, y debido a que cellebrábense les fiestes, había instalao una carpa e incluso habia xente acampao de la nueche anterior per los alredores.

Fuimos a recoyer el dorsal, y a medida que nos arrimabemos a la hora la carrera l’ambiente diba animandose siendo la afluencia final perbuena, con unos 140 participantes, cifra excelente si pensamos que ye la primera vegada que se organiza esti eventu. Con nervios de principiante nel estomagu y previu calentamientu por les pistuques perguapes que per alli habia a esgaya,  a eso de les 11:00 diose la salida.

El recorriu, que yera un circuitu cerrau que daba la vuelta a Cotu Bello por pistes de tierra, entamó con una baxá de unos 2 km pa continuar con una subia, no con muncha pendiente pero si bastante continua, por lo que se fizo bastante duro al final, hasta más o menos los 6.5 km. Una vez llegao al puntu más altu de Cotu Bello, pudimos disfrutar de un paisaxe espectacular por unos segundos, y a continuación entamar a baxar unos 2.5 km, con pendientes bastante pronunciaes, y nes que se podía disfrutar si te dexabes llevar, hasta que a falta de 1 km pa meta volvemos a encontrar una pequeña subia que, debío al cansancu acumulau nes pates de tanto subir y baxar por un terrenu bastante irregular, fizose, a mi ver, más llarga de lo que realmente yera.

 D’equí a la meta de nuevu baxada.

  

Una vez en meta, recoyimos la bolsa corredor típica, falemos un poco con los collacios que vamos faciendo de dir a les carreres, piscolabis de rigor nel bar y pa casa, más contentos que otru poco, col únicu pesar de nun podenos quedar a la corderada que taben faciendo. Pa otru añu será.

A modu resumen decir qu’esta carrera tuvo bien organizá, con les pistes muy bien señalizaes pa que nun existieren confusiones posibles. Recomendable 100% pa aquellos que quieran empezar nésto de les carreres de montaña. 

Fotos:

Les fotos de la baxá tan tomaes de la páxina de un fotografu nomau Rodrigo Vallina cuyu enlace ye el siguiente:

http://www.rodrigovallina.com/