V Maratón Xtreme Lagos de Covadonga

Ficha técnica V Maratón Xtreme Lagos de Covadonga: 

Organiza: Grupo de Montaña Peña Santa

Distancia: 42 km

Fecha: 23 de setiembre de 2012

Desnivel acumulado: 6000 

Collacios: Frén (6h40') Xuacu (7h10') Carmen, Helios, Aroa (Semeyes) y Ana Belén...

(CLASIFICACIÓN) 

Cuadernu de Bitácora… 

Nun se que yé, pero cuando me toca pegar madrugón pa dalguna cosa que me preste, faigolo de bien buena gana. Dame igual que seya pa dir a esquiar, al monte, o como nesti casu, dir a correr una carrera de montaña. Y non una cualquiera, pa dir a correr la Maratón Xtreme de Llagos. Nun yeren les 5:30 y Carmen y yo ya tabemos en coche camín de Cangues d'Onis. Al llegar lo de siempre, dorsal, collacios, cafetín… 

La salida fue nel Repelau, cerca de Cuadonga. Elli xuntemonos una buena grupeta, con Xuacu y Oliver además d'un monton de xente del Picu Dubil y fuimos metiéndonos pocu a pocu nel papel. Respirábase aire de nerviosismu y nun había riscao entá. A les 8:30 casi 450 participantes tomemos la salida. Per delantre una llarga, dura, técnica y sobre too, perguapa carrera. Esti ye'l relatu de la mio primera maratón de montaña.

Con los Dubileros...

Con Oliver y Xuacu

Los primeros cientos de metros son d'asfaltu y como ya sabiemos que llueu iba a formase un embudu pa garrar el camín que nos diba a subir a la Cruz de Priena Xuacu y yo apretamos pa llegar al desvíu nes posiciones delanteres. Un aciertu ya que a partir d'equí entamase a subir sin parar unos dos kilómetros y nun ye na fácil adelantar. Les sensaciones al llegar la cruz, tan importantes nestes carreres, nun puen ser meyores.

Dende equí, entamase a baxar y subir continuamente pel cordal, un terrenu bastante rápidu pa los que ten d'andar pol monte. Llueu baxada fuerte y tamién rápida pero sabiendo tolo que me queda por delantre voy regulando. Sigo a mio ritmu y sin dame cuenta ya tamos nel primer avituallamientu na Huesera. Ellí tan animando Helios, Carmen, Aroa, Nedy, Adenso… como me presta. 

Por el cordal camín de Llagos...

Llegando a la Huesera...

Esi Xuacu...

La carrera sigue camín de vega Comeya, una enorme depresión d'orixen teutónicu (hestoria xeolóxica). En vez d'atravesala comu n'ediciones anteriores, esti añu decidiose rodeala por la vera izquierda. Siguen pasando los kilómetros y sigo sintiendome igual de bien. Garramos l'Escaleru y dexamos atrás les mines de Buferrera pa llegar al llagu Ercina. D'equí al valle d'Enol onde tan otra vez la ximielga d'animaores. Acabo de pasar pol kilómetru 14 y entamo a subir la Porra d'Enol cuando pasa lo que más mieu tenía que pasase. Calambre de los gordos nel aductor que me dexa tirau'n suelu. Quédenme 26 km y comienza la pesadilla. Elli tirau va pasando xente que me anima a llevántame y yo plantóome abandonar. La cabeza taba echando fumo nesi momentu hasta qu'utru participante paró a ver que me pasaba y viendo el percal diome un suplementu vitamínicu (o sabe dios lo que yera) y animome a dir tirando pa que me fuese faciendo l'efeutu. Eso fue lo que fici. Subi a la Porra como pude y d'equí dirección a vega de Fana, en continua baxada. El sustu cambiome la mentalidá completamente. Dime cuenta qu'el mi obxetivu yera acabar y como que si acababa l'ultimu eso ye lo que diba a facer. Los calambres asomense de vez en cuando pero nun son muy fuertes polo que puedo soportalo. Meyor dicho, decido que puedo soportalo. Llego l'avituallamientu Cuadonga onde nun quiero omitir que tuve que tomar una pastilla pa los dolores. Despidome de l'equipu d'apoyu que me dicen que ya me esperaren en meta. Quedenme 22 kilómetros y nun tengo ni idea como son. Presiento que se van a facer llargos.

Paisaxes espectaculares

Asics pagaría por esta semeya.

Antes de la Porra d'Enol.

Na más dexar les escalerones de Cuadonga atrás, entamen otra vez calambres y esta diba ser la tónica xeneral d'equí a meta. Unos 4 kilómetros p'arriba onde faigo grupeta con otru par de chavales que con los que a pasu muy tranquilu vamos tirando, falando de coses mundanes y a ratos escaeciendo'l sufrimientu. Seguimos subiendo y baxando y los kilómetros van cayendo.  Depués del avituallamientu del 32 garramos una pista que va baxando suavemente polo que me sirve pa recuperar fuerces… doi una curva y veo una imaxen que tardará tiempu en escaecer na mio memoria… hai q dexar la pista y subir per una carva de piedra caliza arriba cúrtia pero muy pindia, muncho, y n'ella veo a más de 10 persones tiraes con calambres. ¡Vaya panorama! Acuerdome del Trail de Payares cuando l'última cuesta tuve que subir tirando con les manes mediu arrastru y ye lo que faigo tamién aquí. Naide dixo que fuere fácil.

Otra vez pa baxo y otra p'arriba hasta calar a les antenes. Llego a  elles y columbro Cangues abaxo. Con la referencia fecha, tiro fuerte y dexo atrás al grupu col que llevaba los últimos kilómetros  Gano tres puestos y de sópitu siento a xente gritando'l mio nome y el del Chalanin, miro pa baxo y ellí tan otra vegada más Carmen, Helios, Aroa, Nedy, Adenso y Deivo… Apetezme llorar pero nun tengo tiempu pa ello. Olvidome de too y corro como si acabase d'entamar. Paso onde ellos y préstame muncho. Nun tengo pallabres pa describilo.

Sin comentarios.

Sigo abaxo tovía más fuerte y adelanto a otros dos enantes de llegar al pueblu de Nieda. Otra vez los calambres. Paro a meteme debaxo d’una manguera que m'ofrez una paisana que taba a la puerte casa y encaro los últimos dos kilómetros aproximaos que van por una pista de descenso de BTT. Paso per una zona de castañeru guapísimu donde me adelanta un chaval con el que ya había algún km antes de les antenes. Al pocu de pasame, cae delantre mio y queda tirau con los dos xemelos subios. Paro a ayudalu y cuando puede seguir tiramos lo que nos queda ya xuntos. Entramos en Cangues d'Onis y garramos los últimos metros nos que les emociones me superen. Grito. Voy disfrutando cada pasu que voy restando a meta aunque vaya con los piernes acalambraes. Eso ya nun importa. Al final acabé. 

sobre el kilómetro 40...

¡Meta!

Resumiendo

Una carrera prestosa y de montaña de verdá, en xeneral non excesivamente téunica pero muy dura y sobre todo muy bien organizá. Con muchos avituallamientos, muchisimos y muy buen marcaxe. De la espicha qu'ofrecen pa acabar nun puedo opinar ya que fui a xintar un chuletón en compañía de muy buena xente, los que corrimos y los que animaron. Bien nos lo merecíemos. ¿Nun ye verdá?