Fecha: 25 de Marzu de 2012
Organiza: Oxigeno
Collacios: Xuacu, Helios y Frén, Aroa (semeyes).
Ficha técnica:
Distancia: 28000 m
Desnivel acumulado: 2400.
Tiempos:
-Xuacu: 02:56:36
-Frén: 02:57:07
-Helios: 03:05:15
Cuadernu de bitácora:
Alreor de les 8 de la mañana salimos dirección al Centru Ecuestre del Asturcón la expedición chalanína pa enfrentanos a la primera prueba por montaña del 2012 y que además diba a ser valedera pal campeonatu d’Asturies de carreres por montaña…
Una vez ellí, el ritual de siempre: recoyer el dorsal, tomar un cafetín, descargar un poco de pesu pa la carrera, entamar a calentar… poco a poco nun se si por les ganes o por ser la primera prueba del añu una euforia difícil d’explicar con palabres diba apoderandose del mio cuerpu.
Una vez nel control de dorsales los participantes formabemos una imaxen bastante singular, 250 paisanos y paisanes a les 9:30 de la mañana esperando que nos diesen la salida pa enfrentanos a los 28 km de recorríu que nos llevaríen dende l’Asturcón hasta’l Cristu que corona’l monte Narancu y vuelta pa baxo.
Con un pequeñu retrasu dase la salida y caún de los miembros del chalanín va buscando la so posición dentro’l grupu. Dende un primer momentu yo y Xuacu colocámonos un pocu por delantre quedando Helios un poco por detrás. Los primeros kilometros de la prueba son bastante llevaeros, por un camín fluvial bastante sombríu y con pequeños repechos pero casi sin dureza, ye por ello que marcamos unos 25 minutos al pasar por el kilómetru 5. Poco a poco los grupos van estirándose más y más pero yo y Xuacu vamos bastante comodos y seguimos al nuestru ritmu. Pasamos pol avituallamientu de Ladines cuando Tino del G.M. Picu Dubil y recuperamos un pocu l’alientu. A partir d’equí entamaba lo duro polo que nun podiamos andanos escasos de enerxíes.
Tiramos por un pista que se fae camín hasta que llegamos ala senda que une Ponte Vieyu con Ponte Gallegos pol Monte Narancu y seguimos por ella unos cuantos metros hasta que nos desviamos a la derecha por un senderu muy guapu, de lo más guapo de la prueba a mi entender. Seguimos por esti unos kilómetros (aquí dimonos cuenta que cuando habiamos reconocío el terrenu unos díes antes confundimonos de camín) y vamos ganando altura. Depués una baxada corta y rápida y otra subia hasta que pasamos pal llau de Uviéu del monte Narancu, por una pista maerera con pendiente ascendente muy guapa. Baxamos hasta la Fonte los Pastores y d’equí solo queda subir al Cristu, sin dulda, la parte más dura de la prueba. Como’l día yera muy calurosu la prueba fizose un poco más exigente de lo que paecía y nesti tramu antes del segundu avituallamientu en la cima del Naranco, noté signos de deshidratación y tuve que pedir agua a un ciclista que había per ellí. Quedaba lo más duro.
Cuando entamamos esta última subida fuerte vemos que Deivo, otru collaciu del G.M. Picu Dubil diba por delantre y parecía que con bastantes problemes. Formamos grupo con él un poco y vamos tirando xuntos. El camín pa arriba cada vez ye más duru y el sol apretaba fuerte pero vamos ganando metros con la esperanza de poder descansar al llegar arriba y reponer fuerces col avituallamientu del kilómetru 16 pero lo meyor de todo fue la cantidá de xente que taba esperando arriba y animando…
Quedaben solo unos 12-13 km hasta la meta y casi todo pa’abaxo. Ya taba fecho pensé. Nun llevaba ni 200 metros baxando y un gemelu subeseme (la deshidratación pasa factura) y tengo que regular muncho. Hay que subir a les antenes y seguimos Deivo y yo con Xuacu unos metros por detrás. Como los gemelos seguíen dandome problemes voy dexandome llevar hasta un kilómetru del avituallamientu donde apreto un poco al ver vuelvo a dir bien. Nel avituallamientu del kilómetru 23 en Ladines los 3 volvemos a xuntar y vamos tirando pa abaxo bastante fuerte pasando a varios participantes… solo nos quedaba el tramu final llanu y por tanto donde ya sabía dibamos a sufrir. Seguimos xuntos hasta el kilómetru final donde Xuacu y Deivo van un poco meyor que yo y tiren pa disputar la posición cual equinos puras sangre na meta nel hipódromu del asturcón cayendo la victoria por menos d’un cuerpu pal jamelgo dubilero, entrando yo unos 30 segundos por detrás y pararándo el crono por debaxo de les 3 hores que era el obxetivu miu por lo que muy contentu al finar.
Por su parte Helios, que lluchó como un titán durante toa la carrera y que va meyorando muncho nesti tipu de pruebes entro unos minutos depués acabando muy contentu también sobre todo por les sensaciones.
En resumen:
Una carrera divertia y bastante suave si comparamos con otres del mismu patrón. Organizá desde mi puntu de vista bien pero con pequeñes coses que deberían corregir y que me gustaría resaltar dende equí:
En primer lugar había un poco de despotismo por llamalo de alguna forma a la hora de decite que yera obligatorio poner con imperdibles el dorsal, más cuando muncha xente ya bien de casa con el portadorsales. En segundu llugar creo que los avituallamientos fueron escasos, con casi 10 kms entre el primeru y el segundu, sobre todo col calor que facía y como últimu puntu, y viendo’l preciu que se paga no me importaría que se entrugase a los participantes si quieren quedase a la espicha de depués o no, ya que munchos no se pueden quedar y tienen que pagar el mimu preciu por participar.
No hay comentarios:
Publicar un comentario