ESTRENU PARRILLA NA CAMPA FELGUERA

Fecha: 24 de Marzu de 2012

Collacios: Aroa, Helios, Fernando, Silvia, Carmen, Pablo, Frén

Cuadernu de bitácora:

Depués de que Fernando haya fecho la parrilla en tiempu record (ye lo que tienen los cursos del paro) varios de los miembros del Chalanín decidimos qu’esta maravilla de la inxeniería debía ser inagurá cuanto antes meyor y aprovechando esti raru buen tiempu de marzu arrancamos a eso de les 12:30 dirección a Campa Felguera, el sítiu escogíu nesta ocasión, cargaos con too lo necesario.

Ya de camín dimonos cuenta de que dende la Pumará hasta Campa Felguera la pista ta algo descuidá y algunos tramos son bastante malos pa los coches. Hubiese sio meyor subir por Fechaladrona, de too se aprende.

Una vez arriba lo típico: tizar el fueu, unes cervecines con kas, unos piscolabis,  entretenemos con Brian pa dir espabilando a la fame... esperamos a que lleguen Carmen y Pablo que veníen de dar un curso sobre concienciación de les 3 R’s (reducir, reusar y reciclar) a los nenos de la Pola mientras s’acaba de facer la comida y cuando ya tamos toos ponemonos a dai cuenta a la pitanza que preparemos… a les costilles, chorizos criollos, pinchos morunos, hamburgueses de pollu y patates nun yos dimos muncha tregua.

Después de xintar y reposar un poco la fartura, aprovechemos lo guapo que taba’l día pa acercanos al picu de la Campa Felguera pa disfrutar de les vistes tan espectaculares que nos ofrecía… dende Peña Mea hasta el Picu Tres Conceyos pudimos ver práuticamente el conceyu de Llaviana en su totalidad, col Picu Dubil y La Forcá p’atrás, los Picos Corbellosu, Cogoyu, y la Escrita  xunto con toa la Xerra el Crespón a la derecha, con la Xamoca y el Trigueru al frente, col Picu La Vara y el Tres concejos a la izquierda… increíble.  

En resumen otru gran día en compañía de buena xente, pasandolo bien disfrutando de la naturaleza y la gastronomía. El Chalanín nun para…

Fotos:

Fotos parrilla campa Felguera