Asamblea - Cena Navidad 2013

Organiza: Asociación Socio Cultural y Deportiva El Chalanín.

Fecha: 21 d’Avientu de 2013

Collacios: Helios, Aroa, Ivan, Julio, Fifi, Frén Senior, Lucas, Elena, Joaquin, Carmen Veiga, Patri, Eliana, Dani, Carmen, Fren Junior, Carmen Serrano, Silvia, Alicia, Tina, Malio, Carmen, Borja, Miguel, Juan, Laura, Pelayo, Cristina, Pepe, Elias, Mónica, Guillermo, Ovidio, Desiré, Samuel, Sandra, David, Elisabet, Alba y Emi (seguro que se me pasa alguno)

Cuadernu de Bitácora:

Como ye constumbre, los miembros del Chalanín xuntamonos pa despedir l’añu y pa nun faltar a la tradición, organizose una asamblea y una cena...

Ya sabeis qu’esti añu entamamoslu sin llocal de les escueles polo que l’asamblea fizose en casa de Ana, Fernando y Samu (Munches gracies por dexanos el sitiu). En ella, como siempre fizose un pocu de revisión del 2013 y planteose como efoncaríamos esti añu nuevu. Como los soci@s ya tan informaos de sobra por los e- mails pesaos del presi nun vamos a repetir equí el gruesu de la reunión. Dicir namás que en xeneral falose de les rutes que fadríamos, de les comilones, y alguna que otra cosuca nueva que fue surgiendo pero sobre tou l’asamblea centrose na manera como queremos enganchar otra vez a la xente nel carru Chalanín. Y como siempre’l tiempu echosenos enriba y marchemos escopetaos pal siguiente puntu del día: La cena anual.   

Esti añu el restaurante escoyíu fue el de Canzana y hasta allí nos acerquemos cerca de 40 chalaninos pa disfrutar d’un menú bastante afayaizu que consistió en:

Entrante (centru mesa): pate de cabrachu.

Primeru (a escoyer): sopa de mariscu o ensalada de temporada con cecina

Segundu (a escoyer): solomillu de guchu al oporto o bacalao a la asturiana

Postre: tarta san marcos

Bebides + cafe y licor.

La cena como siempre trascurrió entre rises y comedies y allarguose hasta bien tarde. La verdá que nel restaurante tratósenos muy bien y too fue abundante polo que nun descartamos volver n’años prósimos aunque eso ya se verá.

Esti añu faltó a la cita la parada habitual en Casa Sara pero al ser tarde ya taba pesyao. De toes formes la fiesta nun finó equí y práuticamente toos tiremos pala Pola dirección al Blue Moon onde un acordionista fizonos pasar un buen ratu entre bailes, cacharros y demás histories.

Resumiendo:

Otru añu más que despedimos y otru añu más que el Chalanín tuvo con nosotros en munchos momentos inolvidables. Desde la xunta directiva solo queremos dicir que muches gracies por tar ehí y por participar nes actividaes que facemos, que esperamos qu’esti añu nuevu sea meyor y que sobre todo sigamos xuntos y faciendo más grande a El Chalanín.

Puxa El Chalanín!

Más semeyes en el SKYDRIVE del Chalanín!