Ruta al Tabayón del Mongayu (Tarna)

Organiza: Asociación Socio Cultural y Deportiva El Chalanín.
Fecha: 20 d’Avientu de 2013
Ruta: Tarna – Tabayón del mongayu – Llanu’l toru - Tarna
Collacios: José, Guillermo, Frén y Brian.

Track: WikiRutas_Tabayón del Mongayu

Cuadernu de Bitácora:

Al riscar l’alba, comu tantos otros díes n’Asturies, el borrín nun nos dexaba ver les cumbreres los picos -que intuiamos nevaos- pero aún así salimos dirección a Tarna sin tener muy claro si al final calaríemos. De camín, decidimos parar a almorzar nel Hotel Arniciu en Campu Casu y garrar unos bollinos preñaos na panaderia. Aunque na radio decíen que facien falta cadenes nosotros llegamos al pueblu Tarna sin problemas, ya que había pasao la pala un poco primero. Aparcamos na  plaza’l pueblu y pusimonos en plan.

Ya de la que subiemos nos paeció lo guapo que diba a tar too nevao too pero nun fue hasta garrar l’entamu la ruta cuando de verdá lo pudimos apreciar. La ñeve que había cuayao de la nueche anterior cubríalo too, cargando los árboles y doblando les rames sobre’l camín.

Pocu a pocu fuimos subiendo pol camín d’esta ruta –que ye senciella y acta pa toos los públicos- y dexando atrás los praos tarninos fuimos pasando por viesques de fayes y carbayos perguapes, habriendo rastru por ñeve virxen hasta llegar a la fonte, onde nos refresquemos un pocu. Seguimos pola sienda y al ratu ya tamos nel claru onde cae’l tabayón. Facemos les típiques semeyes apreciamos un poco lo guapa que ye Asturies pero sin pensalo munxo tiramos pa baxo como bales ya facía munchu cutu.

A la vuelta volvemos a parar na fonte y xintamos debaxo una fayona. La verdá que el paisaxe yera increíble y nun paramos de repetir lo bien que lo ficimos tirando pal monte. El día tovia nos tenia preparao una sorpresa más y a media que baxabemos el sol asomo entre el borrín y fizo que too fuese más guapo si cabe y volvímonos llocos faciendo semeyes.

Antes de llegar al final de la ruta garremos el desvíu que sube al Llanu’l toru, onde ente un fayeru bien afayizu destaca un carbayu xigante, posiblemente el más grande que enxamás viere. Dende equí decidimos baxar de nuevu pa la pista pola vía rápida y tiremos viesca abaxo como llocos. Se yo que Pepe y Guillermo disfrutaron y entendieron un poco lo que siento cuando voy a correr pel monte. Ya en coche y como el día taba bien guapu decidimos subir pal  puertu Tarna a ver como taba y tomar algo nel parador enantes de dir pa casa.

Resumiendo:

Un día bien prestosu y afayaizu, de esos que agradeces nun quedar enroscau na cama y garrar el fatu al llumbu y tirar pal monte. A ver si pa la próxima se anima más xente. Puxa el Chalanín.

Más semeyes: SKYDRIVE_Tabayón

Gracies a Frén por la crónica y a Guillermo poles semeyes.