Asamblea y Cena Navidad: Avientu 2012

 

Organiza: Asociación Socio Cultural y Deportiva el Chalanín.

Fecha: 29 d'avientu de 2012.

Cuadernu de bitácora (val más tarde que nunca):

Como vien siendo tradición, los miembros del chalanín (ca vez más) despedimos l'añu faciendo una asamblea de socios nel llocal de l'asociación na que repasemos un pocu la trayectoría del chalanín nel añu que muerre y planificamos les aventures pal añu que naz... 

En xeneral, creemos que 2012 fue un añu satisfactoriu, nel que hubo mayoría d'aciertos nes actividaes propuestes  y éxitos nes convocatories, anque dálguna cosa tamién pa meyorar. De lo propuesto pa 2013 destaca la creación de 4 conseyos con distintes funciones, formaos por eso de que la carga compartía ye más llevaera. Los conseyos son: Cultura y tradición, Deportes, Actividaes al aire llibre y deportes d'aventura y Asuntos Gastro-Sociales. Caún de los conseyos tendrá distintes funciones que diremos definiendo durante l'añu aunque podemos adelantar la creación del Grupu de Montaña del Chalanín y un calandariu de rutes de montaña, un proyectu d'ayuda social y dalgún qu'otru eventu gastronómicu novedosu...

Amás, decidimos cuales van ser les actividaes principales pa 2013 destacando el fin de selmana multiaventura en Fuente Dé, la excursión al Soplao, y el fin de selmana na zona de Les Medules. Por supuestu continuaremos si nada se traviesa con les actividaes populares típiques del Chalanín como les carreres CorremosXuntos y l'Aldea Perdida, el Concursu de Relatos Cortos, los Xuegos Tradicionales pa Nenos... Vamos que tenemos un 2013 bien cargau!!!! 

Al finar l'asamblea fuismos hasta La Casona d'Entrialgo onde por segundu añu consecutivu celebremos la Cena de Navidad con una asistencia d'exitu: 45 comensales y en la que como siempre con un menu afayaizu quedemos satisfechos pa dir a despedir la nueche Llaviana no sin antes pasar un poco por Casa Sara como ye tradición a  tomar unos kases y echar unos cancios... pero d'esto nun fae falta dar detalles. 

 

Dende la Xunta Directiva del Chalanín queremos agradecer a tolos que faceis posible que esto siga adelante, que ca vez somos más. 

Gracies y PUXA EL CHALANÍN!!!!!