Media Maratón La Batallona de Somiedo

 
Ficha técnica:  Media Maratón La Batallona de Somiedo
Fecha: 1 de Junio de 2012
Distancia: 22 km aprox.
Collacios: Carmen (semeyes) y Frén (1:59:05)

Cuadernu de bitacora: 

La primera vegada que tuve noticies d’esta carrera fue cuando fui a sofitar a Helios a la Media Maratón de Llíón. Cuando vimos el flyer anunciandola ya me paeció una oportunidá perbona pa volver a Somiedu, una deles partes que más me gusta d’Asturies. Amás el formatu de la carrera yera novedosu, tratabase de correr por equipos, Asturies vs Llión, contabilizandose los tiempos de tolos participantes pa ver quien diba ganar esta batallona. Nesta ocasión la expecidión chalanina diba ser poco numerosa ya que bien unos por llesión o bien otros por trabayu nun nos pudieron acompañar a Carmen y a mí. 

Aprovechando que la carrera yera de domingu ya tiremos pa allá tranquilamente'l sabadu enantes de xintar, pa eso d’aprovechar el fin de selmana. El camín que ficimos pa llegar allá nun fue ni muncho menos el más curtiu pero mereció la pena namás que poles vistes. Fuimos pasando pol Valle del Oso (Proaza), Teberga, Puertu Ventana, Babia y Puertu Somiedu. La ruta aunque llarga merez la pena y además exploremos un pocu dientro del Parque Natural Les Ubiñes-La mesa que tendríemos qu’apuntar pa futures excursiones chalanines: varies rutes per viesques centenaries, tabayones, Parque de la Prehistoria, zones d’escalada y una cuevona que pa los que hayan quedao con ganes de más depués de Valporquero y por supuestu rutes de montaña peles Ubiñes podrien facer un buen fin de selmana chalanin con base en Teberga o en Babia.

dende Puertu Ventana pa babia

pa asturies dende Ventana

baxando la persina nes Ubiñes

Pero volvamos a la Batallona que ye de lo que tratamos güei: Al final llegamos a Caunéu, onde diba a ser el nuesu cuartel xeneral. Quedamonos en la Casona de Lolo, onde Julio y Yolanda, los propietarios (una pareya Astur-llionesa que simbolizó dalguna manera esta unión entre pueblos vecinos) trataronnos como si fueremos reyes durante tola extancia y además cuál fue la nuesa sorpresa que habien reservaonos una habitación dientro d’una panera. Entamaba bien la cosa. Depués arrimemonos hasta Pola de Somiedu pa recoyer el dorsal y la bolsa correor, que entre otres coses incluia una cerveza, una botella de sidra y tolo necesario pa facer lentexes, casi ná. Como yera tovía temprano tamién aprovechemos pa ver el Ecomuseu Etnográficu en Caunéu que te permitia ver como yeren los oficios tradicionales (ferreru, Madreñeru...) o como yera una escuela de les d'enantes y además visitar tres teitos que tienen conservaos nel pueblu de Veigas (Val.le de Saliencia). 

teitos y foces

teitos en Veigas

Carmen na escuela

Fren el ferreru

Al día siguiente un desayuno de los buenos pa cargar bateríes y tiramos pa Pola onde ya nos esperaben Nedi y Deivo preparaos pa dir a la salida nel Altu la Farrapona. El recorriu de la prueba (pues velu equí) de unos 22 km diba dende'l mismu altu (por encima los 1700 metros) hasta el pueblu de Pola Somiedo, polo que el perfil yera bastante afayaizu siendo en casi su totalidá picando pa baxo y pasando per zones precioses. Y allí tabemos unos 400 participantes (250 astures y 150 llioneses) uniformaos de azul los astures y roxo los lliones preparaos pa “disfrutar” d'esti enfrentamientu fraticida mientres sonaben l’Himnu a Llión y l’Asturies patria querida…

vistes desde la Farrapona

Valle de Saliencia

Pasando pol Llagu de la Cueva

subiendo

pol Valle de Camayor

A mou resumen esti ye'l recorriu que siguimos: Salimos al glayíu d'ASTURIANOSSS como si de espartanos se tratase del Altu la Farrapona dirección a los Llagos de Salencia pasando primero al pie del Llagu de la Cueva, pa subir poll únicu tramu d'ascensión hasta la Vega de Cerveriz y la de Camayor, más o menos llano y dexando unes vistes increibles de la culiebrona roxa y azul per él... dexamos atrás los llagos de Saliencia pa baxar al Llagu del Valle (esta transición entre el los dos valles fue lo meyor de la carrera a mi entender les coses, aunque al dir en un grupu que diba un poco más lentu qu'el mi ritmu encontreme con tráficu y nun pude apretar un pocu más). Una vez a pie de llagu garremos esti valle milenariu que antaño fuere un gran glaciar y güei ye refuxiu de milenta especies de fauna y flora entre elles algunes tan emblemátiques como el llubu, l'aguila real, l'osu pardu o el gallu montés (urogallu) dirección a Pola. Les sensaciones na carrera fueron perbuenes, con tramos nos que el cuerpu me pedía dir a más con otres nes que al ser más de llaneo sufría y recordome muncho al por que dexé de correr n'asfaltu. La meta, que taba'n centro'l pueblu delantre el Centru d'Interpretación del Parque Somiedu (la carrera na so totalidá discurrió pol mismu parque), taba enlleno de xente animando a los participantes y esto ye de agradecer ya que depués del esfuerzu presta ver que hai xente que ta allí animandonos a nosotros, que nun ganamos nada con esto (la mayoría) y que nun lo facemos na más que pola afición.

dos collacios llegando xuntos

disfrutando

por fin meta

En conclusíon, una carrera preciosa de correr, organizá con normalidá de la que quedé con ganes de repetir. Un fin de semana muy buenu tamién y que hai que decir acabamos comiendo en un bar del pueblu ya que al final GANAMOS los asturianos y había 35 comides pagaes pa los 35 primeros del equipu que ganase (yo nun taba entre los 35 pero conocí a ún que marchaba y si lo taba jejejeje).