FICHA TÉCNICA:
Organiza: Asociación cultural y recreativa el Cascayu
Fecha: 7 d’agostu de 2011
Distancia: 16,200 km aprox.
Collacios:
- Frén: 1:45:38
- Helios, Carmen y Oliver (acompañando y sacando semeyes)
Dificultad: Media-Alta
CUADERNU DE BITACORA
Tras les buenes sensaciones que me quedaron depués de la carrera de Coto Bello esta vez tocaba subir un poco el listón y enfrentame a una distancia algo mayor y tamien hai que decilo, más difícil: La VI Carrera de Montaña Les Meloneres. Esta vez, además al pie de casa, y en terreno conocíu.
Depués de llegar a Tolivia, recoyer el dorsal y falar un poco con los ca vez más conocíos de esti mundu de les carreres populares tocaba lo que los casi 80 inscritos tabemos esperando: enfrentanos a los 16 km y picu que teniemos per delantre. El dia acompañaba polo que nun quedaba otra cosa más que ponese a la llabor, sufrir lo que ficiese falta y disfrutar d’esti paisaje que tenemos en les faldes de Peña Mea.
La salida, a les 11 la mañana, fue en la iglesia de Tolivia (430 m), enfrente la Casona Rectoral (recostruyía pola Asociación Cultural y Recreativa El Cascayu, organizaores a la vez de la prueba) y diose al sintíse la onceava campaná nel campanariu de la iglesia.
Entamé, como de costumbre, nes posiciones traseres, sintiendome bastante cómodu en los primeros metros. Baxamos pel primer caleyu dirección al ríu onde se forma un poco de atascu y se tien que parar un poco (polo que si se quier dir a marcar buen tiempu hai que apretar un poco antes de llegar ahí pa ganar posiciones) y entamamos a subir el primer tramu, de unos 2 km aproximaos por una pista de tierra que debío a que ye una zona sombría y a les lluvies recientes taba bastante embarrao y a mi manera de ver, más prestoso. Subida prolongá y constante onde ya empiezo a ver que p’arriba voy bien y a pasar xente. Pasamos por dos pueblucos abandonaos, Cabañelles primero y llueu Les Meloneres onde entama una baxá de otros 2 km (hormigón y tierra) y onde munchos de los que pasé antes recuperaron la posición, hasta volver al pueblu de Tolivia onde se cruza al otru llau del valle pa entamar a subir otra vez.
Tragu de agua, saludu a los collacios del chalanín que allí se encontraben tirando semeyes y tirada llarga de unos 6 km en la que se sube por caleyes de piedra, se atraviesen praos y castañeros hasta enlazar con la pista de tierra que nos va subir hasta el puntu más altu del recorriu (957 m) en la campa del Rellín. De nuevu muy buenes sensaciones cuesta arriba, al final esto de la montaña va ser lo mio y no el asfaltu… Un poco de agua y bebida isotónica pa mollar el garguelu y a seguir. Ahora solo quedaba baxar hasta la meta.
Del Rellín sale una pista hacia la izquierda que al poco se convierte en una especie de zig-zag dibuxando sobre la ladera de la montaña varies Z, teniendo que facer cambios de dirección de casi 180º muy pero que muy divertios y onde el barru se volvia a notar abondo. De nuevu pista amplia de tierra onde se pasen varios repechos y baxaes que faen algo más dura la prueba. Depués toca metese por un caleyu bastante estrechu carva abaxo siendo esta zona algo más técnica. Pasase por Les Palombes y siguese llaneando por un camin bastante embarrau hasta que se vuelve a empezar a baxar pasando per un castañeru donde literalmente tienes que dir revotando de árbol en árbol ya que se baxa casi a pinchu. El últimu kilómetru empieza baxándose por una pista de hormigón y termina faciendo un pequeñu recorriu pol pueblu. Al final meta otra vez en la iglesia parando el crono en poco más de 1h 45min marca que me habia marcao como “buenísima” antes de salir aunque como siempre digo, lo importante ye acabar.
Depués de llavame un poco en casa de unos conocios del pueblu, tomar unes cerveces en la Rectoral, saludar a compañeros de aventures (como a Iván al que ya ye la segunda vez que lu engaño pa venir por esta zona a correr) y ver la entrega de premios llegó la hora de la espicha que se celebra tolos años pa los participantes y colaboradores. Comida y bebida a fartucar, buena compañía y encima sorteos de premios pa casi toos los que tabemos allí. Que más se pue pedir pa un domingo de agosto.
RESUMEN: Carrera muy divertía, en la que tanto la distancia como la dureza la faen apta pa cualquiera que te un poco preparau, por lo que tendremos que repetir el añu próximu si se pué. Organización excelente, sobra cualquier otru comentariu. Personalmente muy satisfechu de haber participao con el únicu pesar de que ningún otru miembru del Chalanín pudo correr nesta edicición.
Algunos enllaces que puén interesar:
1 comentario:
Tas como un venao waje como se nota q t tira el monte jejej
Publicar un comentario