I Carrera Popular La Aldea Perdida - Crónica

Ficha técnica:

Organiza: Asociación Socio-Cultural y Deportiva El Chalanín

Fecha: 24 de julio de 2011

Distancia: 8 kms aproximaos (8.200 marcaron los Garmin)

Tiempos:

Pachu: 0:33:18

Noel: 0:37:48

Frén: 0:38:45

Miguel: 0:44:30

Collacios: Pachu, Miguel, Noel, Xuacu, Helios, Pelayo Cristina, Malio, Carmen, Alba, Pepe, Ovidio, Julia, Aroa, Menchu, Victor, Oliver, Iván, Milio, Mª José, Fifi, Laura, Silvia, Giovana, Marta, Maria, Dani, Eliana, Ander, Fernando, Oliver, Monica, Elias, Eli, Pablo, Jamin, Julio y Frén, esperemos nun se nos olvide ningún, si así ye mil disculpes.

CUADERNU DE BITÁCORA:

Depués de varies selmanes de preparativos, por fin llegó‘l día. Suena’l despertador a eso de les 9 la mañana y llevantome como un tiru. Haber colao pa casa ayer a tiempu vese recompensao, aunque te de rabia ser el primeru en retirar d’una nueche que prometia (y prometíó según daquién).

Preparo’l macuto y arranco pa la sede de l’asociación. Ya taba Xuacu esperandome pa dir a marcar el recorriu col quad, llabor que depués los correores agradecerien ya que’l circutu tenia munchos puntos que podien dar llugar a confusión. Entamen a llegar algunos collacios. Helios, Noel, Pachu y Marta son los primeros que se arrimen hasta el llocal, nes escueles d’Entrialgo. Cargamos los coches col material que nos va a facer falta y tiramos pal míticu Prau La Chalana (salida y meta de la carrera) a entamar los preparativos. Son les 10 y poco de la mañana.

Al llegar al prau vemos lo que ya nos veniamos goliendo: el prau ta llenu de xente que sigui de fiesta de la nueche anterior. Montamos la mesa de recepción de participantes y entamen a llegar los primeros correores mezclandose con los borrachos que dan guerra alloriando per ellí. Les primeres cares conocies, agora que frecuentamos esti mundu del atletismu, entamen a llegar y entre elles la de Hector Moro, que dende equí queremos agradece-y la ayuda que nos ofreció dende qu’esta idea entamaba a crecer nes nuestres molleres, y la su parexa Rocio que llueu nos ayudaría nes llabores de crono y a la que tambien tenemos que da-y les gracies.

Entre atletas que lleguen a recoyer el dorsal, borrachos que quieren apuntase, los socios y voluntarios que van llegando a ayudar (y a los que tambien hai que agradecer la so ayuda tanto en los cruces, como en les llabores en salida/llegada, ya que sin ellos esta llocura nun se hubiere podío llevar a cabu) y los nervios que traemos los miembros de la organización ya nos dan casi les 12, pongome a calentar y entre tanto damonos cuenta de que Protección Civil nun se presentó pese a tar avisaos por lo que tenemos los dos puntos más conflictivos del recorriu sin cubrir: La salida/llegada y el puente Piedrafita. Y casualidades o no, nési momentu pasa Oliver, de ZB Laviana, por allí en coche y col fiyu, y comento-y si puede dir a cubrinos el puente Piedrafita. Sin dudalo un segundu tira pa allá, por lo que nun sobra un agradecimientu más pa él. Na salida salimos del pasu de momento con Pelayo y Fer faciendo llabores de control del traficu. A la espera de que suene el pistoletazu de salida ta Julio, que va dir abriendo la carrera en bicicleta.

A les 12 en puntu Helios, que nesta ocasión nun pudo participar na carrera por problemes físicos (eso ye otra historia que pues consultar equí futbol playa da la salida con un pitiu más bien algo afónicu. Alli tabemos 123 atletas (de los 140 inscritos) y entre ellos Pachu, los nuevos integrantes de la sección de atletismo del Chalanín Miguel y Noel y por supuesto yo. Por casualidaes de la vida al dase la salida toi en cabeza del pelotón y debido a la inercia de vete rodeau de xente más rápido que tú, cuando me doy cuenta toi llegando casi a Puente d’arcu a un ritmu muy superior al que suelo llevar. Veo que Pachu me adelanta y entamo a regular un poco pa pasar por la zona del Puente/Central Curuxea bastante alante del pelotón. Por esa zona taben en llabores de señalización Malio, Carmen, Pepe y Alba que me saluden alegremente.

El circuitu, pal que nun lu conozca ye bastante disfrutón, subiendo y baxando caleyes y pistes de grava rodeaes de vexetación y rios. Lo que fae’l recorridu un poco más exigente y a la vez más divertiu, son dos zones de subida, una sobre el km 3 (más tendia y llarga) y otra casi en el km 7 (más pendiente) que definitivamente dio-y el puntu duru a la carrera.

Volviendo a la carrera, al llegar a la zona d’Entrialgo donde taben colaborando (y animando) Ovidio, Julia, Carmen, Aroa y Victor veo que me alcancen por atrás Noel y David. Al coronar  el primer sector de subida Noel tira fuerte y yo enganchome a David que seria’l mio compañeru de viaxe hasta que cruzaremos la meta xuntos.

Con Pachu como siempre en posiciones más adelantaes, Noel un poco por delante, y Miguel lluchando con todo xunto col grupo de ZB Laviana por detrás vamos quemando metros. Pasamos por la antigua via minera dirección a Villoria cruzándomos con Oli, Iván y Milio que esperaben el pasu de los correores en algún de los cruces de caminos. Baxamos a Villoria cruzandonos con Maria Jose, Fifi, Dani y Laura y animaos por los vecinos llegamos al avituallamientu delantre la Iglesia de San Nicolás donde Silvia, Marta, Maria y Giovana nos apurriríen un tragu de agua fresca pa enfrentanos a los ultimos kilómetros de la carrera.

Pasamos pol puente Piedrafita donde taben Oliver y el so fiyu, como ya dixe, y Fernando, que muy acertadamente y en una muestra d’iniciativa sin precedentes pa él J decidió dir a cubrir esa zona, posiblemente la más conflictiva del recorriu ya que habia que cruzar la carretera qu’une los conceyos de Llaviana y Aller.

Siguimos rio abaxo dirección a la Correoria donde taben Monica y Elias y comenzamos a subir pel sector más duru de la prueba, unos 450 metros de fuerte subía en dos tramos siendo el segundu de los dos muncho más duru. Arriba habia xente animándonos y viendonos  pasar a todos con cara de sufrimientu como Deivo, compañeru en estes aventures nuestres de les carreres. De aquí a la meta yera todo baxar polo que si quedaba algo de enerxia habia que quemala. Tras baxar por donde taba Pablo torcemos a la altura la curvona Canzana, donde Jamin taba controlando, dirección a la sede del Chalanín pa metenos pol pueblu Entrialgo, per ellí taba Eli, y otra vez Ovi, Julia, Malio y Carmen, hasta la casona de Armando Palacio Valdes, xiramos y pasamos por la pasarela. Ultimu esfuerzu y llegamos a la meta, donde taben Helios, Pelayo, Cristina y Rocio col tema del crono y Menchu, Aroa, Iván y Oliver repartiendo la bolsa corredor.

Una vez en meta tocó ponese a preparar les clasificaciones pa la entrega de premios de rigor, con un poco de lío y retrasu hai que reconocelo, ya que aparte de tabemos usando un programa de control de tiempu (cediu por Fredo del Grupu Montaña Peña Mea) y no lu dominabemos a la perfección, somos nuevos en esto de la organización de eventos. Pero al final y eso ye lo importante tol mundo acabó muy contentu.

Nésta 1ª Carrera Popular La Aldea Perdida los ganaores absolutos fueron Rodrigo Rodriguez y Maria Amparo Zapico. El resto de puestos y tiempos pueden encontrase aquí:

CLASIFICACION 1ª CARRERA POPULAR LA ALDEA PERDIDA 

Después de la carrera y ellí nel mismu prau, celebrose una corderada a la que asistimos casi todos los socios/voluntarios de la asociación. Compartimos mesa con los miembros d’un encuentru de moto vespa que se celebraba paralelmente a la carrera. De la comida decir que fue lo que se esperaba, los corderinos taben tiernos y fue abundante como nos gusta a los del Chalanín. Resaltar que hubo rondes de crema d’orujo al son de la gaita del nuestru sociu Miguel con la colaboración de Julio, cosa que nos animó si cabe un pocu más.

Resumen: En xeneral un gran día nel que nos xuntemos un grupu grande de amigos a pasalo bien. Si a esto y sumes que de pasu organicemos y autoxestionemos actividaes alternatives, nun entornu como’l conceyu Llaviana donde l’ociu ye más bien llimitau pues más contentos si cabe.  Ya tamos pensando en la segunda edición.

Agradecimientos:

Desde estes llinies la A.S.C.D El Chalanín quier da-y les gracies a toos los que ficieron posible esti eventu, empezando por todos los establecimientos colaboradores que figuren nel cartel de la prueba y siguiendo por Richar de Casa Tino, que nos ayudó en todo lo que necesitemos. Mención especial a Hector Moro, que sin la su experiencia en esto de organizar eventos deportivos y ayuda hubiese sio muncho más complicao pa nosotros.

Pero en especial queremos da-y les gracies a todos y cada uno de los  PARTICIPANTES y VOLUNTARIOS.

GRACIES A TOD@S - Vemonos en 2012