Ficha técnica:
Organiza: Asociación sociocultural y deportiva El Chalanín
Fecha: Del 8 de abril al 10
Actividades: Barranquismo, paintball, y fartures y borracheres pal que quisiere.
Coyacios: Fren, Silvia, Aroa, Adri, Gelu, Miguel, Maria, Malio, Carmen, Pelayo, Cristina, Helios, Fernando, Yoli, Nardo, Juan, Iago, Lucas y Maria Meraño.
Introducción:
L´ A.S.C.D. El Chalanin, tuvo el primer fin de semana de abril, la primer salía como asociación llegal. Fuimos a Les Arriondes, y allí, entre otres coses, ficimos barranquismu y Paintball, exe fundamental d’esta salía.
Tocome a mi esta vez (Silvia), falavos un poco de como fue l’asuntu, asi qu’espero poder expresavos con estes lletres, el fin de semana tan prestosu que pasamos.
Cuadernu de bitácora:
Como díbemos xente de Llaviana y Xixón la quedá oficial fue el viernes 8 de abril en Cuadroveña, un pueblin a 2 km de Les Arriondes, onde teniemos el hotel rural. La xente de Llaviana, Helios, Fren, Aroa y yo, enfilamos direccion Les Arriondes, cola murga y la comedia metía nel cuerpu, grabando videos a los “osos” del llugar, y faciendo un poco rally Fitu arriba pa gran deleite d’Aroa y míu.
Llegamos al hotel rural y depués de reunimos con to la xente de Xixon, escoyimos les habitaciones, dexamos les maletes y baxamos pa Les Arriondes a que mos diesen algo de cenar. Cenemos nel Molin, una sidreria en onde el nuestru presi mos tenia encargao una cena. Y asi, entre vino, sidra y bona compañía, fuimos calentando motores (algún mas que utru) pal fin de semana que mos taba esperando.
En acabando de cenar, tomamos una (o les que fueron) en un chiringu llamau la Ofi , dando-y ambiente al probe garitu que nun tenia ni un alma, y depués de esta pará, los que tabemos cansaos fuimos pal hotel y el restu quedáronse a disfrutar de la bona noche que facia, que la verdá, ni en plenu xunetu (y hasta aqui podemos lleer)
El sabadu pela mañana madrugamos en forma, y a les 8.30 tabemos almorzando un güen desayunu que mos tenia prepau el hotel. Por motivu de la cena del viernes, tuviemos alguna baxa, y nun pudimos dir tos al barranquismu, primera actividá que teniemos programá pa isi dia.
Como nun podia ser d’otra manera, llegamos tarde a la Plaza el Cañon, llugar onde se encontraba la oficina de “Montañas del norte” , y onde diéronmos escarpines, y un traxe de neoprenu que poco mas y tenemos que untamos en mantega pa ponelu.
Entraxaos con to l’indumentaria, tuviemos que esperar media hora infernal montaos na furgoneta, (tovia nun se muy bien por que) hasta que enfilamos dirección Amieva, y depués d’un viaxe mataor, entre curves, acelerones y frenazos (muy apropiau pal estau d’algun) llegamos al barrancu que hay nel riu Vallegón.
Depués de damos los últimos atuendos pal barranquismu y unes recomendaciones basiques, subiemos per una carretera, con esos traxes tan cómodos, y calamos a un caminetu per onde tenimos que baxar hasta el riu.
Con el día tan guapisimu que tuviemos, metese en riu nun fue ningun problema, el Sol calentaba y el traxe de neoprenu fexo el so trabayu, asi que con saleru y los descensos del Nalón que tenemos a les espaldes, entamemos a baxar como si eso lo ficiesemos to los dis.
El primer descensu topamoslu enseguida, yera una baxauca pequeña pero empiná, los monitores (Juan y Dani) muy majos los dos por ciertu, diéronmos unes indicaciones de cómo lo tenimos que facer. L’asuntu consistia en dir baxando con unes cuerdes, que tenies que garrar per debaxo el sobaquillu y sentau en riu, habia que dir arrastrando el culo y frenandote ayudau de les manes a la cuerda. A algún que otru, como a mi, quedomos cara circunstancia pensando que dibemos dexar los dientes en algun peñon, pero hubolos decidios como Miguel y Frén que en sin pensaselo 2 veces tiraron pa baxo como tiros, depués d’ellos, seguimoslos los demas en sin ningun problema.
Na mas pasar esti primer obstáculu, seguimos baxando hasta topar con lo que pa mi fue lo mas guapo de to l’actividá, encontramonos con un saltu d´agua de 24 metros , con un pozu al final con muncha profundida, por la que tuviemos que rapelar. Pal que como yo hasta ahora, nun sepa muy bien en que consiste eso, ye dir baxando por una paré, enganchau d’una cuerda gracies a un arnés, y en sin mirar pa baxo (muy importante) dir descendiendo de cara a la paré, col cuerpu bien echau pa tras y afincando bien les pates contra les piedres. Esi fue otru momento en los qu’el personal apretó un poco el culo, pero echando-y valor al asuntu, tiramos tos pa baxo.
Sin dexar de grabar videos y chiscar semeyes a aquelles vistes de impresión, seguimos baxando, hasta llegar a un momento nel que una serviora, peteciosei más tar en casa durmiendo a pierna suelta, que metia n’aquel riu.. El tema yera que había que tirase desde una altura de 3 metros a un pozu. Los que crecieron a la vera del riu, tipo Miguel, Lucas, Frén etc, nun yos dio tiempu llegar arriba cuando ya se habien azotao abaxo, el tema fue cuando me tocó a mi, temblabenme les pates como si fueren vares verdes, pero depués de dudalo 30 veces, eche-y valor al asuntu y salté! Hubo xente que nun-y apeteció saltar, y fueron entre los matos hasta el riu otra vez.
Una vez tos reunios, seguimos descendiendo pa dar ya con el ultimu descensu de l’actividá, volvimos a topamos con otra baxá aproxima a la primera pero con mas desnivel y en la que al final tenimos que dexar les cuerdes y desde una piedruca que nun te cogía casi el talon saltar a un pozu.
Y asi, depués de una mañana pa recordar, salimos del riu, y subimos per otru camín empinau en forma, que mos llevó hasta les furgonetes.
Una vez tos cambiaos y habiendo recoxio to la indumentaria que mos dexaron los monitores, salimos rumbo Les Arriondes, onde volvimos a garrar los nuesos coches y subimos pa Cuadroveña como tiros, ya que la fame apretaba y taben esperandomos unes empanaes y bollos preñaos que mos prepararon en la panadería de Mon. Taba muy rico to por ciertu, pero sin duda, lo meyor pa mi, fue tar disfrutando de aquella comida, sentaos en aquel jardinucu de llau del hotel, dandonos el sol y con aquelles vistes.
Como la siguiente acitivá nun yera hasta les 5.30 la tarde, hubo xente que aprovechó pa echar un pigazu y renovar enerxies, y otros, echaron una partiuca al sol, hasta que llegó la hora de dir pal Paintball.
Volvimos otra vez a la oficina de “Montañas del norte” onde mos dieron unos monos verdes y mos dividieron en 2 grupos pa la actividá. Los que traien el chaleco por fuera, yeren el equipu negru y si mal nun recuerdo taben compuestos por: Aroa, Fernando (el de xixon), Malio, Carmen, Maria, Adri, Juan y Fren y los que traiemos el chaleco por dientro el mono, yeremos el equipu verde que tabemos compuestos por: Helios, Miguel, Lucas, Pelayo, Cristina, Gelu, Yoli y yo.
Lleváronmos en furgoneta a una mata a les afueres de Les Arriondes, y alli taba esperandomos el nuestru monitor (Pepo), que mos explico en que consistía el xuegu y les normes a seguir.
El Paintball yo creo que tol mundo sabe de que va, ye dase fueu unos a otros hasta que un equipu venza al utru. Y les normes, pues les loxiques y razonables, nun podiemos quitar la mascara mientras tuviesemos xugando, al acabar de xugar habia que poner un capuchon a la pistola y apretar un boton de seguridá, nun podiemos disparamos tando demasiao cerca, etc etc. A tos nos paez que estes normes caen de caxón, pero siempre ocurre algún incidente, eses boles abrasen a dios, y sino que y lo pregunte a Aroa que la probe quedomos con un deu fechu trito.
Comenzamos xugando a emboscá, el equipu (el negru en esti casu) tenia que escondese dentro de la mata y el otru equipu, entraba mas tarde a la caza y captura. Recuerdo que en esti primer xuegu el equipu negru diéronmos pal pelo al verde, y fuimos cayendo tos un tras otru.
Como hubo algun que dio fueu hasta que cansó, y gastó les 100 boles que mos daben a tos de mano, tuvimos que facer un parón pa recargar municion pa la siguiente partía. Esta vez, entremos los verdes con sede de venganza, pero el tiru saliomos por la culata, ya que el equipu negru conocía bien el terrenu y rodearonmos a nosotros hasta que mos liquidaron otra vez (tengo tovia algun recuerdu en el cuerpu d’esi momento)
Seguimos entrando y saliendo, y xugando a emboscá varies veces, hasta qu’el monitor propusomos otru xuegu que consistia en elegir a un capitan de ca equipu, y pa ganar habia que da-y al capitan del equipu contratiu. En el equipu negru salió de capitan Frén, y en el equipu verde la capitana fue una serviora. N’esti casu los invictos fuimos los verdes.
Como ya yera la hora de acabar y tovia mos quedaben boles en les pistoles, entremos nel campu de batalla pa pegamos tiros unos a otros hasta qu’acabasemos cola munición. Sinceramente, esti xuegu nun me gustó na, ya que llevé mas bolazos de los que sinceramente m’apetecía.
Con un poco de priesa, xq llegabemos forzaos a l´espicha que mos tenia preparao el hotel, güardemos les coses que mos habien prestao, sacamos la foto de rigor pa’ la posteridá y depués de que mos dexasen otra vez na plaza el Cañon, garremos los coches y volvimos pa Cuadroveña.
Diemonos una ducha rapida que a mi supome a gloria y mudamonos un puquiñin pa baxar bien engalanaos a l´espicha. Tuviemos 3 incorporaciones al grupu que nun pudieron facer les actividades por desgracia, Fer (el chalanin), Iago y Maria.
L´espicha la verdá fue coyonuda, to preparao en el jardin onde comimos pela mañana, hubo comida y bebida asgaya, y tos contando batalles a los 2 probetones que aguantaron el chaparron escuchandomos. La sidra nun vos puedo contar como taba, porque debío a problemas estomacales nun me entraba demasiao bien, pero la comida tuvo de lujazo. Lo malo fue que antes de acabar de cenar, y como esto ye asturies, pusosemos a llover y el café tomamoslu adrientro.
Los que nun tabemos muy cansaos, baxamos a tomar una a les arriondes nuevamente, pero debio al día tan intensu que tuviemos, la noche fue más relajá. Volvimos a tomar una en la Ofi , que esta vez taba mas ambientao y depués, los que teniemos que levantamos a les 7.30 pa dir a la Eternal Running
Agradecimientos:
Lo primero y más importante, felicitar y agradecer desde aquí a Frén, que fue el que organizó esta actividá y la verdá, salió to de lujo. Dejó muy buen sabor de boca al personal y fue una pre-campaña pa conseguir 2 socios mas (Iago y Carmen)
Lo segundo, agradecer a los trabayaores de “Montañas del norte” ya que fueron muy profesionales y trataronmos muy bien. Sin lugar a duda, cuando volvamos a facer alguna actividá similar a esta tendrémoslos en cuenta.
Tambien quiero agradecer a los dueños del hotel rural cuadroveña, el tratu, la cercanía y sobre to l´espicha potente.
Y por últimu, pero no menos importante, desde aquí agradecer a tos aquellos que trabayen y colaboren, por el futuru d´esta asociación.
Fotos:
Video:
3 comentarios:
tendremos que repetir no???
buen fin de semana y buena cronica pa rematalo, la verdad q yo nun tengo ninguna duda q voy repetir, escribionos un chaval de boroñes recomendandonos algo de esi estilo nun recuerdo ahora el sitiu q nos habia dicho tengo q miralo
espeleobarranquismo en valporquero... también hay otres cueves por la zona de picos.
Publicar un comentario