Xuegos Tradicionales Pa Nenos La Chalana 2012

les cares de los nenos dicenlo todo

Organiza: Asociación Socio Cultural y Deportiva El Chalanín.

Fecha: 23 de Xunetu de 2012

Por segundu añu consecutivu, el chalanin colaboró coles fiestes de la Chalana en la organización de los xuegos tradicionales pa nenos.

Esti añu, al ser la 3º vez que organizabemos los xuegos, tabemos mucho mas tranquilos y organizaos. Volvimos a llevar a cabu mas o menos el plan estableciu en les fiestes de ochobre de la pontona, ya que paecionos una manera de xugar muy dinámica y divertía. Asi q a les 5.30 la tarde, depues de dir a recoger to los materiales necesarios a la nuesa sede, dispusímonos a reclutar guajes pa entamar a xugar.



Al igual que el añu pasau, volvimos a dividir a los nenos en 2 grupos. Los nenos menores de 4 años y los nenos de 5 años p'ariba. Esti añu viosenos un poco desbordau el grupo de los mas peques y tuvimos que reforzar esi grupo con 4 chalaninos-monitores.  El grupo de los mayores dividimoslu a su vez en 2 grupos pa que compitiesen entre ellos.

Los peques pintaron en cartulines, xugaron al escondite inglés, al pañuelin, a la zapatilla por detrás. Y como colofón final, gracies a los regalos q la organización de les fiestes nos dio pa repartir con los nenos, dimosyos una vuelta en los caballitos como premiu.

Con los 2 grupos ya fechos pa los mayores, y depues de explicayos to les normes, como que debíen de facer una bandera, un gritu de guerra y escoyer un nombre que reprensetase a ca un de los 2 equipos, entamamos con uno de los xuegos mas aclamaos por los nenos, les panoyes. Seguimos con la diana, con unos dibujos pintaos en el suelu onde los nenos tenien qu'acertar.  El 3º xuegu fue la carrera de sacos, con la que los nenos rieronse hasta fartar. El 4º fue la carrera con patates. Oficialmente ye con manzanes pero como tovia nun tabemos en época fueron patates. Y el 5º y ultimu xuegu fue el de tirar a la cuerda, esti añu tuvimos algun incidente con esti xuegu, ya que ficimos unos cuantos pases y los nenos que ganaben, siempre se emocionaben tanto que soltaben la soga y los del equipo de enfrente caíen tos pates arriba y algun que otru mancose un poco.  Ya por ultimo como sopresa pa los nenos, debío al calor TAN GRANDISIMU que fizo aquella tarde, hinchamos unos globos con agua y ficimos una batalla campal entre los 2 equipos.

xugando al pañuelín

Al final repartimos los regalos que nos dio la organización de les fiestes, que consistíen en unos balones y unos tickets pa los caballitos y los nenos marcharon encantaos. 

Agradecer esti añu la colaboración con el chalanin de la prima de Aroa  y de la su amiga, por la mano q nos echaron con el grupo de los mas peques, además de a los socios chalaninos que participaron y ficieron posible una vez más esta actividad. Muches gracies!