Descenso folklórico del Nalón XLIII

Organiza: Comisión de les fiestes con la colaboración del Exco. ayuntamiento de Laviana. El Chalanín construyendo una embarcación.

Fecha: 20 d’agostu de 2011

Collacios: Somos muchos pa enumerar asi que diremos que gran parte del Chalanín y amigos.

Cuadernu de bitácora:


Ya desde va munchos años esta fecha vien siendo una de les cites màs importantes y significatives del branu pa tos nosotros, chalaneros y no. Ya podemos tar cerca o en Pernambuco, trabayando o paraos, solteros o casaos pero el tercer sabado de agosto pregunten a quien pregunten va decite que va tar baxando’l descenso como ta mandao.

Esti ye ‘l primer añu que nos encargamos de organizar esta cita ineludible como ”ASCD El Chalanìn” y como non, queriemos que saliera too a pedir de boca. Al final nun mos podemos quejar porque la verdà ye que nos saliò too perbien, pero vamos entamar pel principiu.

Como nun queriemos que mos pasase como toos los años empecemos bien ceo a organizamos. A primeros de xunu ficimos una votación ente los socios colos temas propuestos pa facer la embarcaciòn y a mediaos ya lo teniemos decidio, esti añu tocaba baxar reivindicando la television d’ otru tiempu, colos debuxos animaos d’antes, baxabase de “ChalaninTV”.

Como l’añu pasau fuimos previsores y ficimos una base potente, pa esti ya teniemos bona parte del trabayu anticipau. A primeros de xunetu punximonos en plan, traxose la base al patio les escueles, onde tenemos el local, y empezamos a lavoriar per ella. Y menos mal qu’ empecemos con tiempu porque, como vien siendo tradiciòn, vemosmos siempre pillaisimos col tiempu porque, como dixe antes, unos tamos lloñe, otros trabayen, otros tienen compromisos y otros simplemente prestayos baxar pero trabayar non, que d’ esos tamien los hay.

Va unos pocos de años que facemos una cena el predescenso, una cena que suele pone ‘l puntu final al trabayu y el iniciu de la folixa. Esti añu menos mal que se retraso l’ hora d’ entamu a les 11 la nuechi porque tubimos trabayando pela carrucha hasta les 10, que si alambre per equi que si torniello per acullá... en fin rematando detallucos que siempre se dexen pa ultima hora.

Con los problemas de to los años pero con munches ganes y munchu animu sacamos alantre una carrozuca bastante decente y que llamaba l’atencion por les dos figures mitiques que diben presidiendola, Espinete y la Rana Gustavo. La cita, pa los que montaben el “sistema de soniu” y el “Jarrie” yera a les 11 la mañana’l sabadu pa tenelo to preparao p’arrancar como ye costumbre hacia les 2 pa Llaviana, Pero eso yera mañana ahora tocaba disfrutar de la cenuca en buena compañia y dir a entamala un poquiñín (o un munchín) como manda la tradiciòn.

El sabado a les 11 algunos cagamonos en la madre que pario al despertaor y otros presentaronse non n’ optimes condiciones pero ‘l descenso ye ‘l descenso y eso llevanta un muertu si fae falta. A eso de les 2 taba to preparao y arrancamos pa Llaviana toos marutaos. Un diba de pajaro loco, otros de los Fruitis, otros de los Picapiedra, otros de Oliver y Benji, etc… y asi hasta cerca 70 que yeremos los collacios apuntaos a la murga.

Calamos a Llaviana hacia les 3 y algo y dimos en clàsicu paseucu pa ver les otres embarcaciones y saludar a los collacios de les otres peñes.

A les 4 arranco la cosa y fue too como la seda, vino, musica y folixa asgaya hasta llegar a La Chalana, onde ficimos la parauca d’obligu pa canta ‘l nuestru “Chalaneru” a voz en gritu (que se note que tamos en casa). Diò la casualidà que andaben per allì los de la TPA y como llamamos en forma l’atenciòn vienieron a grabamos un poco. Fue a charrar con la rapacina ‘l nuesu presidente ‘n representaciòn y explicò, con màs o menos floritures, el propositu de la nuesa embarcaciòn.

Una vez pasau el puente La Chalana fuese bastante rapido hasta ‘l Puente Arcu onde, como to los años tocomos esperar por el atascu que se produz ente tantu publicu y tantos participantes, además de los problemas de viraje que tienen les embarcaciones grandes.

En pasando el puente, desenganchemos la carroza de la base y al rio con ella. Esti añu echose un poco mas de tiempu en baxar porque el pesu yera algo mayor y la carroza algo más aparatosa pero bueno llegose sin complicaciones al Prau de La Chalana, y sobre to, sin sufrir ningùn percance o lesiòn de algùn de los nuestros. Sobra decir que la carroza llego intacta.

Esti añu na mas llegar llevemos les coses importantes pa guardales y que nun mos pasase como l’ añu pasau que mos marcharon con los barriles de la beberexa! Una vez guardao too, unos quedaron en prau a ver les demas embarcaciones llegar, la mayoría fueron a cambiase y como ya diba siendo hora, comicar algo, que la fame yera negra dempues de to la tarde de comedia, ademas por toos ye sabìo que l’agua da muncha fame!

A les 11 la nuechi como to los años quedamos pa dir a l’ entrega premios a la plaza l’Ayuntamientu de Llaviana. Ganò Boroñes la sopera. Nosotros quedamos clasificaos duodecimos de 44 que yeren les embarcaciones, bastante bien pero prometimos esmeramos màs pal añu pròximu polo menos entrar nel “Top Ten”. 

Dempues de recoye‘l premiu, tomemos daquè y hacia l’una pa casa que ya tabemos mayaos, aunque algunos tobia tenien cuerpu y siguieron la folixa hasta altes hores.

Pa l’añu que vien más y meyor, ta prometío.

Puxa ‘l Chalanìn!