I Concurso de Relatos Cortos El Chalanín

Entama/Organiza: Asociación Socio Cultural y Deportiva El Chalanín.
Sofita/Colabora: Comisión de Festexos de La Pontona, Aytu. Llaviana, Librería Arvín

Cuadernu de Bitacora:

Cuando dende l'asociación nos plantegemos por primera vegada sacar alantre un concursu de relatos curtios nun nos podiemos facer una idea de si esti proyeutu cultural nos diba a salir bien o mal pero de toes formes decidimos que polo menos dibemos a intentalo. Los primeros pasos, como siempre, lleven munchu trabayu, amás trabayu del que nun se ve nin se valora. Tuvimos que definir unes bases series, buscar el sofitu económicu, preparar un apoyu dixital onde espublicitar el concursu, buscar un xuráu heteroxeneu e imparcial, enviar notes de prensa y apariciones radiofóniques cola intención de llegar al mayor númberu posible de receutores... Pero tou esti esfuerzu col únicu motivu de sofitar un poco la cultura queda'n segundu planu nel momentu que recibimos el primer relatu.


Pocu a pocu diben llegando les obres como si d'un goteru se tratase y al final la acoyida del públicu fue más que perbuena, con más de 70 relatos (la mayoría en idioma español). Llegaronnos munches obres dende Asturies, pero tamién dende otres rexiones comu Barcelona, Bizkaia, Cadiz, Cantabria, Ciudá Real, Granada, Madrid, Sevilla, Tarragona, Valencia y Zaragoza. Pero la mayor sorpresa fue la repercusión tan grande que tuvo'l nuesu concursu al otru llau del charcu ya que tuvimos varies participaciones dende Arxentina, Chile, Colombia, Cuba, Nicaragua, Perú.

Una vez recepcionaes toles obres y comprobao qu'estes cumpliesen con les bases, ya solo quedaba decidir quienes diben a ser los afortunaos ganadores del primer premiu de cada categoría (asturianu y español) y los respectivos finalistas. Pa ello un xuráu compuestu por 6 persones (2 socios de la nuesa asociación, 2 miembros de la Comisión de Festexos la Pontona, un representante de la conceyalia de cultura y un destacau vecín de Llaviana) recibió los obres baxo seudonimu y tras un llargu y difícil procesu de seleición llegaron a un alcuerdu sobre cual sería el fallu definitivu.

faciendo públicu'l fallu'l xuráu

Na entrega de premios, que tuvu llugar el 11 d'ochobre, a continuación del pregón que daba aniciu a les Fiestes de la Pontona, tuvimos la suerte de poder tener a los dos vencedores pa recoyer el so premiu (una dotación económica de 100€). Dende equí queremos agradecer sinceramente a la Comisión de Festexos de la Pontona sin los cuales nun hubiesemos llograo tener unos primeros premios tan llambiones, y más colos tiempos que corren. Amás tenemos que dai les gracies al ayuntamientu de Llaviana pol so apoyu y a la llibrería Arvín que preparó de manera desinteresao unos accésits bien afayaizos pa los finalistas de les distintes categoríes. Pero sobre todo queremos dayos les gracies a los AUTORES sin los cuales nun hubiese sio posible to esto.

Guillermo Mendez Alvarez y Xuan Porta Allende

 ¡MUCHES GRACIES A TOD@S!

A continuación podéis encontrar un fragmentu colos relatos ganadores y los autores de los mismos, amás de un enllace al relatu completu.

NOTA: Queremos aclarar que l'asociación El Chalanín tien el drechu d'espublizar esti conteniu d'alcuerdu al puntu 9 les bases del concursu. Cualquier espublización axena a esta asociación tará suxeta a la llexislación vixente relativa a drechos d'autor. // De acuerdo al punto 9 de las bases del concurso, la asociación El Chalanin tiene el derecho de publicar este contenido. Cualquier publicación ajena a esta asociación estará sujeta a la legislación vigente relativa a derechos de autor.

Primer Premiu categoría Asturianu

La Islla (de Xuan Porta Allende)

Cuando Xabel yera un xoven deportista, lo que más-y prestaba yera dir a contemplar la mar, toles tardes, enantes de dir a cenar. Daba paseos pel llargu senderu costeru de la so ciudá, enantes de decidise a tornar pa la so casa. Diba mirando a la llonxanza del horizonte, a la fondura azul y al vaivén de les foles enantes de convertise n’espluma. Respiraba’l salitre del aire marín que trayía la brisa, con devoción... (Lleer relatu completu)


Primer Premiu categoría Español:

Monstruos Interiores (de Guillermo Méndez Álvarez)

Como cada vez que me acostaba en mi habitación, había dejado las ventanas abiertas de par en par, como preparadas a la noche, para que entrara. Y la noche había entrado...No me percaté de su presencia hasta que un pequeño ruido de cadenas tintineando me despertó del sueño profundo a un leve sopor; percibí en la oscuridad cierto movimiento que se me antojó imaginación y ya volvía a los brazos de Morfeo cuando el relámpago de una lejana tormenta iluminó tenuemente la estancia y pude ver su figura delgada justo al lado de mi cama... (Lleer relatu completu)