 |
| cartel de la prueba |
Organiza: Zona Boxes Llaviana.
Fecha: 2 de mayu de 2012
Distancia: +- 18
Km.
Collacios: Helios y Frén (01:52:00)
Cuadernu de bitácora:
Una nueva prueba nel conceyu de Llaviana y como non, una
nueva participación de la sección deportiva del Chalanín. Nesta ocasión
enfrentemonos a un circuitu muy paecíu al del duatlón cros de nochebuena de
Villoria pelos montes del conceyu y concretamente nes faldes de Peña Mea.
Como siempre llegamos a Villoria con tiempu asgaya y vamos
contaxandonos d’esa sensación d’enantes de les carreres, ye una mezcla de nervios
y ansies por entamar a correr difícil d’esplicar. Saludamos a los munchos
collacios que ellí había por eso de ser una carrera llocal y sin danos cuenta
plantémonos ya na hora de entamar. Cerca de 100 paisanos (y alguna qu'otra muyer aunque
nesta ocasión non munches) agrupaos y preparaos pa enfrentanos al circuito
entre los que destacaben alguno de los “gallos” del panorama actual de carreres
por montaña n’Asturies, como Martín Espinar, Piñera, Santi Obaya...
Preparaos, listos, ya… Al principiu hai que dar una vuelta a
un circuitu bastante llanu d'unos 1,5 km y los chalaninos vamos buscando la
nuesa posición dientro’l grupu. De la que vamos dirección a la Correoria vemos al
collaciu dubilero Deivo que tien molesties y ta parau. Ofrecemos-y ayuda y siguimos
la marcha. A partir de la
Correoria hai que tornar hacia la drecha y entamamos a subir
per pistes en dalgunos tramos dures pero en xeneral bastante corribles y
n’absolutu teúnicos. Tomo la decisión de quedame faciendo equipu con Helios en
vez de tirar por delantre ya que me apetecía tomame la carrera tranquilamente y
en bona compañía chalanína y acomodamonos con un grupetu col que diriamos
buena parte de la carrera toos xuntos.
 |
| tovia teniamos buena cara |
Siguimos tirando pocu a pocu y
vamos pasando pel avituallamientu de la Pumará, garramos la pista dirección a Campa
Felguera con pequeñes zones dures alternando con otres más llevaeres hasta que
garramos el cruce a la esquierda pa pasar pel pasu más guapu enantes de llegar
a Campa Felguera onde ta’l segundu avituallamientu. De equí vamos ascendiendo
un pocu per un camín bordeando la ladera debaxo Brá hasta llegar a la pista que
va a dar a la Llonga.
 |
| disfrutando que d'eso se trata |
A partir d’equí hasta Villoria ya
ye casi todo pa baxo polo que ponemonos a tirar fuerte, pasando a unes 10
persones. Ya pensabemos en echar un traguín d’agua nel últimu avituallamientu
cuando una modificación d’ultima hora sorprendenos y rompenos un pocu los
esquemas ya que s’acorta el recorriu y baxamos sin pausa hasta llegar a San
Pedro. De aquí a meta unos 2,5
km llanos repitiendose el circuito circular de la
salida. Decidimos parar a tomar una bocaná d’agua en una fuente ya que los excesos
de la baxá tan faciendome sufrir y dame la impresión de que toi deshidratau. Lo
que nos queda vamos dandolo todo y entramos en meta xuntos y muy contentos
d’haber finao una nueva carrera.
 |
| llegando xuntos |
Por últimu, nel post-carrera
fizose una espicha a cargu de la organización, dieronse los premios a los
vencedores de les distintes categoríes con Martín A. Espinar y Mª Amparo como
vencedores absolutos y ficieronse una cantidad grandísima de sorteos pa los
allí presentes.
 |
| Ganaores absolutos |
Resumiendo:
Un éxitu na organización, con un
recorriu marcau muy bien y xente en toos los cruces. Tal vez con otru
avituallamientu al final como tenien pensao nel trazau inicial hubiese sio
perfeuto. A mou d’opinión personal podría habese tirao más de los incontables caminos y senderos pa reducir el númberu de Kms. sobre pista d'hormigón y asfaltu aunque esto ya depende de los gustos de ca ún. Pa finar dicir que la inscripción fue de tan solu 10€ y esto da pa
reflesionar y muncho, cuando hai carreres per ehí con unes inscripciones
bastante más altes y nes qu’el tratu al correor dexa munxo que desear. Enhorabuena a la organización, repetiremos.
No hay comentarios:
Publicar un comentario