Ruta de Peña Mayor (Breza)

Ficha técnica: - Altitud máxima: 1350 metros
                         - Duración total: 04:32 horas 
                         - Distancia recorrida: 10,76 km
                         - Velocidad media: 25 min / km (esto ye un poco irreal no
                             me acorde paralu mientres comiamos)
                         - Velocidad media: 2,37 km/h (lo mismo que lo anterior).
   
Coyacios: Fren, Nardo, Aroa y Helios

Dificultad: Moderada

Cuadernu de bitacora

Amanecio despejao con el sol asomando en to lo alto, cosa que auguraba un dia muy prestosu pa dir de ruta asi que sin na mas que pensar, mochila al hombru con provisiones y palantre. Salimos de Laviana rumbo a la Rebolla, ya que nos paecio el sitiu mas amañosu pa empezar la ruta, alli aparquemos y depues  de unes pequeñes indicaciones que un lugareñu, muy amable, nos dio tiremos parriba como cohetes.

El comienzu de la ruta ye un pelin empinau, pero na del otru mundo, asi que nun nos costo muncho llegar al primer puntu de para, que fue el cruce con el camin que tira direccion Entralgo pa volver de los melendreros, alli echemos unes fotos y pudimos ver ya Fresneo y el pasu pal otru llau de la montaña. 

Depues de la breve pausa retomemos camin rumbo a la otra ladera del monte por una pista muy afallaiza y bien indica, la cual llevonos directamente al cruce pa tirar pa Breza, pero como andabemos ociosos tiremos un puquiñin mas palante pa dir hasta un repetidor que quedaba mas adelante, donde ficimos una pequeña para y sin muncho que rascar tomemos camin de Breza por un caleyu ya menos afallaizu que la anterior pista.

 En esti ultimu tramu hasta Breza ya se noto que tiraba un vientu na prestosu asi que apuremos un poco y lleguemos bastante rapido a Breza. En Breza taba astrao en el refugiu nun se entraba asi que garremos agua de un manantial que habia alli a mano y en prau nos tiremos a comer pa reponer energia pa la vuelta.

Al poco de comer, tuvimos tanteando un poco el camin de vuelta pa casa y decidámonos a volver por una cresta que habia parriba del refugiu que la verdad tenia muy buena pinta. El camin hasta la cresta ye un poco costosu, pero al ser cortu nun supuso problema algun. Una vez ya arriba habia unes vistes de lo mas guapo, asi que nun dudemos en sacar unes fotuques per alli tramiando.

Caminando per la cresta nun tardemos muncho en llegar al picu Trigueru (1.291 m), ahí que dir con cuidao porque como resvales por alli nun queden de ti ni les señes, mas fotos en el picu y palantre por la ya direccion de la Rebolla, tovia nos quedaba un buen camin por les peñes, ya que habiemos decidio tomar otru camin pa volver. 

La verdad que volver por otru llau fue una buena idea, yera algo mas complicao bajar entre piedres pero la verdad que mas entretenio y con un buen paisaje. 

Del camin de piedres volvimos a dar al camin por el que subimos parriba, asi que la vuelta nun tuvo muncha novedad mas hasta llegar a la Rebolla onde cogimos el coche y pa casa. 

Resumen:

Una ruta muy prestosa y afallaiza, apta pa cualquiera que y petezca andar un poco por el monte, con unes vistes que merecen la pena.

Fotos:

Toes les fotos de la ruta en esti enlace -> http://picasaweb.google.com/lachalana2011/PenaMayor?authkey=Gv1sRgCNrRyvbx05uk8AE#

Enlace sport tracker:

http://www.sports-tracker.com/#/workout/heliosgl/7c5oroof7p0krp6d