Tantu la cena como la asamblea previa decidió facese nel restaurante Prau de La Chalana, que tan bien nos trata y tan fácil nos pon les coses. Durante la hora y picu que duró la reunión de soci@s tratamos varios temas, ente los que quiero destacar aquí la continuación les meses de conversación en inglés y francés que ya furrulen con gran asistencia dende xineru y la raquetada, que si el tiempu lo permite, saldrá alantre en febreru o marzu.
Amás de los fixos nel calendariu como l'espicha aniversariu en Marzu, tamién se planteó facer una excursión a algún llagar y pueblu costeru, intentar sacar alantre dalgunos cursos novedosos como el de gaita y el de yoga y el ya reclamau cursu de micoloxía, sin olvidamos de les clásiques salides al monte, nes que queremos poner más interes esti añu.
Con les coses más clares y con casi tolos asistentes ellí, decidimos dar por concluía la reunión y pasar al comedor onde esos mismos collacios nos teníen prepará a Carmen y a mi una buena sorpresa, con gaites, banderes d'Asturies y pancartes de bienvenía, y pese a que nun soy yo de estes ximielgues, tengo que reconocer que me prestó perbien y aunque nun lo quiera reconocer, hasta m'emocioné un pocu.
Tras esti recibimientu, ya pasamos de llenu a lo que más nos presta, la xinta. El menú, como siempre fue correctu y nun faltó de nada y tras da-y buena cuenta pasose a los postres y al posterior baile de confraternización nel que lo pasamos siempre tan bien. La fiesta allargose, como siempre, hasta que nosotros quisimos, con xente que fue pocu a pocu marchando y otros que quedaren hasta pela mañana, pero como siempre en estes ocasiones tan especiales, a toos nos quedo un muy buen sabor de boca, pasamoslo perbien y ya tamos pensando en xuntamos nun tardando muncho.
Puxa el Chalanín.
Semeyes del facebook de Efren Blimea:
